சென்னை: செம்பரம்பாக்கத்தில் நடந்த அதே தவறைத்தான் சாத்தனூர் அணை திறப்பில் திமுக அரசு செய்துள்ளது என்று பாமக தலைவர் அன்புமணி குற்றம்சாட்டியுள்ளார்.
இதுதொடர்பாக அன்புமணி வெளியிட்ட அறிக்கை: தமிழக அரசு தெரிவித்துள்ள விவரங்களின்படி சாத்தனூர் அணையின் நீர்மட்டம் 119 அடி. அதன் கொள்ளளவு 7.32 டிஎம்சி. கடந்த நவம்பர் 30-ம் தேதி காலை நிலவரப்படி அணையின் நீர்மட்டம் 117.55 அடி. அதாவது ஒன்றரை அடி நீர்மட்டம் உயர்ந்தாலே அணை நிரம்பி பேரழிவு ஏற்பட்டிருக்கும்.
