மணிரத்னம் இயக்கும் ‘தக் லைஃப்’ படத்தில் நடித்து முடித்துள்ள கமல்ஹாசன், செயற்கை நுண்ணறிவு (ஏ.ஐ) விஷயங்களில் இப்போது அதிக ஆர்வம் காட்டி வருகிறார். சில மாதங்களுக்கு முன் ஏ.ஐ தொடர்பான படிப்புகளை அமெரிக்காவில் அவர் படித்து வந்ததாகத் தகவல் வெளியான நிலையில், தற்போது மீண்டும் அமெரிக்கா சென்றுள்ளார் கமல்ஹாசன்.
அங்கு சான் பிரான்சிஸ்கோவிலுள்ள பெர்ப்ளக்ஸிட்டி (Perplexity) என்ற ஏ.ஐ நிறுவன தலைமையகத்துக்கு சென்ற அவர், அதன் இணை இயக்குநரும் தலைமை செயல் அதிகாரியுமான இந்தியாவைச் சேர்ந்த அரவிந்த் ஸ்ரீனிவாஸை சந்தித்துப் பேசியுள்ளார்.
