கொங்கு மண்டலத்தின் பெரிய கவுண்டரான பழனிசாமியையும் சின்னக் கவுண்டரான அண்ணாமலையையும் வைத்து அமித் ஷா ஆடத் தொடங்கி இருக்கும் அரசியல் சதுரங்க ஆட்டம் தான் இப்போது தமிழக அரசியலில் ஹாட் டாபிக்காக இருக்கிறது!
தமிழகத்தில் திமுக ஆட்சியை அகற்றியே தீர வேண்டும் என்ற ஒற்றைத் தீர்மானத்தை கையில் எடுத்திருக்கும் பாஜக தலைமை அதற்கான பொறுப்பை வழக்கம் போல அமித் ஷாவிடம் ஒப்படைத்துள்ளது. அதன்படி, வழக்குகள் மூலம் திமுக வட்டத்தை கலங்கடிக்கத் தயாராகி வரும் அமித் ஷா, அதற்கு முன்னதாக திமுக-வை வீழ்த்துவதற்கான பாஜக அணியை வலுப்படுத்தும் வேலைகளையும் வேகப்படுத்தி இருக்கிறார்.
