சென்னை: சென்னை மாநகராட்சியின் 15 மண்டலங்களில் உள்ள மையங்களில் ஜன.12-ம் தேதி முதல் ஜன.13-ம் தேதி காலை 8 மணி வரையிலான 24 மணி நேரத்தில், காற்றின் தர குறியீடு அளவு 92 முதல் 177 வரை பதிவானது. இதன்மூலம், காற்றின் தர குறியீடு அளவு திருப்திகரம் முதல் மிதமானதாக இருந்தது கண்டறியப்பட்டது.
இது குறித்து, தமிழக மாசு கட்டுப்பாடு வாரியம் வெளியிட்ட செய்திக்குறிப்பு: தமிழகத்தில் போகி பண்டிகை நாளில் பழைய பொருட்கள் எரிக்கப்படுகின்றன. எனினும், சமீபத்திய ஆண்டுகளில் பிளாஸ்டிக், ரப்பர் மற்றும் பிற தீங்கு விளைவிக்கும் பொருட்களை எரிப்பதனால் காற்று மாசடைகிறது.
