சென்னை: சென்னையில் 3 பள்ளி மாணவிகள் பாலியல் வன்கொடுமை செய்த 3 பேரை கைது செய்தனர். பெரம்பூரை சேர்ந்த 12 வயது சிறுமி கடந்த 24ம் தேதி மாயமான நிலையில் போலீசார் தேடி வந்தனர். செல்போன் டவர் மூலம் விசாரணை நடத்தியபோது வீனஸ் நகர் அருகே இருந்தது கண்டுபிடிக்கப்பட்டது. சிறுவன் உட்பட 3 பேர் மீதும் போக்சோ பிரிவின் கீழ் வழக்குப்பதிவு செய்து போலீசார் சிறையில் அடைத்தனர்.
பெரம்பூர் பகுதியை சேர்ந்தவர் 33 வயது பெண். இவர், நேற்று முன்தினம் இரவு திருவிக நகர் காவல் நிலையத்தில் புகார் மனு ஒன்றை அளித்தார். அதில், எனது 12 வயது மகள் 8ம் வகுப்பு படித்து வருகிறார். பள்ளிக்கு சென்று விட்டு தோழி வீட்டுக்கு சென்று வருகிறேன் என்று கூறி சென்ற மகள் இதுவரை வீட்டிற்கு வரவில்லை என தெரிவித்து இருந்தார்.
இதுகுறித்து, திருவிக நகர் இன்ஸ்பெக்டர் கிருபாநிதி தலைமையிலான போலீசார் வழக்கு பதிவு செய்து சிறுமியை தேடினர். அப்போது பெரம்பூர் தீட்டி தோட்டம் ஒன்றாவது தெருவில் உள்ள அரசு நூலகம் மேலே தனது 2 தோழிகள் மற்றும் 3 ஆண் நண்பர்களுடன் சிறுமி உல்லாசமாக இருந்தது தெரிய வந்தது.
இதையடுத்து மூன்று சிறுமிகள் மற்றும் அவரது ஆண் நண்பர்களை மீட்ட போலீசார் அவர்களை காவல் நிலையம் அழைத்து சென்று விசாரணை நடத்தினர். அதில், 12 வயது சிறுமியின் நண்பர்களான 14 வயது சிறுமி மற்றும் 16 வயது சிறுமி ஆகியோருடன் கொடுங்கையூர் முத்தமிழ் நகர் பகுதியை சேர்ந்த கலிமுல்லா என்கிற அலி (21), அகரம் செங்கல்வராயன் தெருவை சேர்ந்த அபிஷேக் (19) மற்றும் பெரம்பூர் பகுதியை சேர்ந்த 18 வயது சிறுவன் என மூன்று பேரும், சிறுமிகளுடன் 24ம் தேதி இரவு நூலகத்தின் மொட்டை மாடியில் உல்லாசமாக இருந்தது தெரிய வந்தது.
இதை தொடர்ந்து, மூன்று சிறுமிகளையும் மருத்துவ பரிசோதனைக்கு அனுப்பி வைத்த திருவிக நகர் போலீசார் இந்த வழக்கை செம்பியம் அனைத்து மகளிர் காவல் நிலையத்திற்கு மாற்றினர். இன்ஸ்பெக்டர் செண்பக தேவி தலைமையிலான போலீசார் போக்சோ சட்டத்தின் கீழ் வழக்கு பதிவு செய்து சிறுமிகளை மருத்துவ பரிசோதனை முடித்து காப்பகத்திற்கு அனுப்பி வைத்தார்.
மேலும் இந்த சம்பவத்தில் உடந்தையாக இருந்ததாக கூறி பெரவள்ளூர் பகுதியை சேர்ந்த சையத் முகமது ஜாபர் (22) மற்றும் 17 வயது சிறுவர்கள் இரண்டு பேரையும் கைது செய்து, போக்சோ சட்டத்தின் கீழ் வழக்குப் பதிவு செய்தனர். சிறுவர்களை சீர்திருத்த பள்ளிக்கும், சையத் முகமது ஜாபரை சிறைக்கும் அனுப்பி வைத்தனர். பெரம்பூரில் 3 சிறுமிகள் ஆண் நண்பர்களுடன் உல்லாசமாக இருந்த சம்பவம் பெரும் அதிர்ச்சியையும், பரபரப்பையும் ஏற்படுத்தி உள்ளது.
The post சென்னையில் பள்ளி மாணவிகள் 3 பேர் பாலியல் வன்கொடுமை: 3 பேர் கைது appeared first on Dinakaran.
