சென்னை: சென்னை ஈசிஆரில் காரில் சென்ற பெண்களை வழிமறித்து மிரட்டியவர்கள் மீது 4 பிரிவுகளின் கீழ் வழக்குப்பதிவு செய்யப்பட்டுள்ளது. சென்னை கிழக்கு கடற்கரை சாலை கானத்தூர் காவல் நிலைய எல்லைக்குட்பட்ட பகுதியில் நான்கு இளம் பெண்கள் சென்ற காரை நான்கு பேர் கொண்ட இளைஞர்கள் காரில் துரத்திச் சென்ற வீடியோ தற்பொழுது சமூக வலைத்தளங்களில் வைரலாகி வருகிறது. கடந்த 26ம் தேதி அதிகாலை 3.30 மணிக்கு ஈசிஆர் பகுதியில் பெண்கள் பயணித்த கார் மற்றொரு சொகுசு கார் மீது லேசாக மோதியது. காரை மோதிவிட்டு ஒரு சாரி கூட கேட்கவில்லை என்பதால் இளைஞர்கள் 4 பேரும் அந்தப் பெண்களின் காரைத் துரத்திச் சென்றதாகக் கூறப்படுகிறது.
இந்நிலையில், சென்னை கிழக்கு கடற்கரை சாலையில் பெண்களை துரத்தி சென்று தாக்க முற்பட்டதாக எழுந்த புகாரில் 4 பிரிவுகளின் கீழ் கானத்தூர் போலீசார் வழக்கு பதிவு செய்துள்ளனர். வீடியோ அடிப்படையில் கார் எண்கள் கண்டறியப்பட்டு இளைஞர்களை கைது செய்ய 2 தனிப்படைகள் அமைப்புக்கப்பட்டுள்ளது. பெண்கள் கொடுத்த புகாரின் அடிப்படையில் காவல்துறை வழக்கு பதிவு செய்து இளைஞர்களை தேடி வருகிறது. பெண்கள் காரை நிறுத்தாமல் சென்றதால் இளைஞர்கள் துரத்தி சென்றனர் என போலீசார் தகவல் தெரிவித்தனர். இளைஞர்களின் சொகுசு காரை பெண்களின் கார் இடித்து விட்டு நிற்காமல் சென்றதால் பிரச்சனை ஏற்பட்டுள்ளதாக கானத்தூர் காவல்துறை தெரிவித்துள்ளனர்.
The post சென்னை ஈசிஆரில் காரில் சென்ற பெண்களை வழிமறித்து மிரட்டல்: 4 பிரிவுகளின் கீழ் வழக்குப்பதிவு appeared first on Dinakaran.
