மதுரை: கடந்த ஆண்டை விட பிரம்மாண்ட பரிசு மழையுடன் மதுரை அலங்காநல்லூர், பாலமேடு ஜல்லிக்கட்டுப்போட்டிகள் வரும் ஜன.16 மற்றும் 15-ம் தேதிகள் நடக்கிறது. துணை முதல்வர் உதயநிதி, அலங்காநல்லூர் ஜல்லிக்கட்டு போட்டியை தொடங்கி வைக்க உள்ளார்.
தமிழகத்தில் பொங்கல் பண்டிகை முதல் தொடர்ந்து 3 மாதத்துக்கும் மேலாக 300-க்கும் மேற்பட்ட ஜல்லிக்கட்டு போட்டிகள் நடைபெற்று வருகின்றன. இவற்றில் தமிழக அரசு சார்பில் நடத்தப்படும் மதுரை மாவட்டம் அலங்காநல்லூர், பாலேமடு, அனியாபுரம் ஜல்லிக்கட்டு போட்டிகள் புகழ்பெற்றவை. குறிப்பாக அலங்காநல்லூர் போட்டி, ஜல்லிக்கட்டு போட்டிகளின் உச்சமாக பார்வையாளர்கள் மத்தியில் பெரும் வரவேற்பை பெறும்.
