ஜெய்ப்பூர்: ராஜஸ்தான் தலைநகர் ஜெய்ப்பூரில் நேற்று முன்தினம் எல்பிஜி டேங்கர் லாரி மீது சரக்கு லாரி மோதியது. இதில் டேங்கர் லாரி வெடித்து சிதறி எல்பிஜி வாயு காற்றில் பரவியது. இதனால் சில மீட்டர் தொலைவில் இருந்த லாரி, பேருந்து உட்பட 40-க்கும் மேற்பட்ட வாகனங்கள் தீப்பிடித்து எரிந்தன. இந்த விபத்தில் 15 பேர் உடல் கருகி உயிரிழந்தனர். 35 பேர் பலத்த தீக்காயமடைந்தனர்.
விபத்து நேரிட்டபோது ஜெய்ப்பூரை சேர்ந்த மோட்டார் மெக்கானிக் ராதேஷியாம் (30) வேலை முடிந்து தனது வீட்டுக்கு திரும்பி கொண்டிருந்தார். சமையல் காஸ் காற்றில் பரவியதால் ராதேஷியாம் உடல் முழுவதும் தீப்பற்றியது. அவர் சுமார் 600 மீட்டர் தொலைவு தீயில் எரிந்தபடி உதவி கேட்டு ஓடினார்.
