சென்னை: டங்ஸ்டன் சுரங்கம் அமைய உறுதுணையாக இருந்துவிட்டு மக்கள் எதிர்ப்புக்கு பின் முதல்வர் மு.க.ஸ்டாலின் கபடநாடகம் ஆடுவது வெளிச்சத்திற்கு வந்துள்ளது என அமமுக பொதுச் செயலாளர் டிடிவி தினகரன் குற்றச்சாட்டு தெரிவித்துள்ளார்.
இதுகுறித்து அவர் இன்று வெளியிட்டுள்ள அறிக்கையில் கூறியுள்ளதாவது: ''மதுரை மாவட்டம் மேலூரில் உள்ள அரிட்டாபட்டி மற்றும் நாயக்கர்பட்டி பகுதிகளில் அமையவிருந்த டங்ஸ்டன் சுரங்கம் தொடர்பாக மத்திய அரசின் சுரங்கத்துறை அமைச்சகம் வெளியிட்டிருக்கும் விளக்க குறிப்பு திமுக அரசின் இரட்டை வேட முகத்திரையை கிழிக்கும் வகையில் அமைந்திருக்கிறது.
