விக் ஆன் ஜீ: டாடா ஸ்டீல் மாஸ்டர்ஸ் செஸ் போட்டியில் இந்திய கிராண்ட்மாஸ்டர்கள் டி. குகேஷ், ஆர். பிரக்ஞானந்தா ஆகியோர் தலா 8.5 புள்ளிகளுடன் முன்னிலையில் உள்ளனர்.
நெதர்லாந்தின் விக் ஆன் ஜீ நகரில் இந்த செஸ் போட்டி நடைபெற்று வருகிறது. இந்நிலையில் நேற்று நடைபெற்ற 12-வது சுற்றுப் போட்டியில் உலக சாம்பியனான டி. குகேஷ், ஹாலந்து வீரர் ஜோர்டன் வான் பாரஸ்டுடன் டிரா செய்தார். அதே நேரத்தில் பிரக்ஞானந்தா, செர்பிய வீரர் அலெக்ஸி சரானாவை தோற்கடித்தார். 12-வது சுற்றின் முடிவில் குகேஷ், பிரக்ஞானந்தா இருவரும் தலா 8.5 புள்ளிகளுடன் முன்னிலையில் உள்ளனர்.
