புதுடெல்லி: டெல்லியில் மது கிடைக்கிறது; ஆனால், குடிநீர்தான் கிடைப்பதில்லை என்று ஆம் ஆத்மி கட்சியின் ஆட்சியை பிரதமர் நரேந்திர மோடி கடுமையாக விமர்சித்தார்.
டெல்லி சட்டப்பேரவைத் தேர்தலை முன்னிட்டு, டெல்லி பாஜக தொண்டர்களுடன் பிரதமர் மோடி ஆன்லைனில் கலந்துரையாடினார். அப்போது அவர் கூறியதாவது: டெல்லியில் ஆம் ஆத்மி கட்சி தனது அடித்தளத்தை இழந்து வருகிறது. அக்கட்சி மக்கள் முன் அம்பலப்பட்டு நிற்கிறது. அதனால்தான் அவர்கள், தினமும் புதிய புதிய அறிவிப்புகளை வெளியிட்டு வருகிறார்கள்.
