சென்னை: சென்னையில் ஆபரண தங்கத்தின் விலை நேற்று பவுனுக்கு ரூ.400 உயர்ந்து, ரூ.73,840-க்கு விற்பனை செய்யப்பட்டது. சர்வதேச நிலவரத்துக்கு ஏற்ப, தங்கம் விலை உயர்ந்தும் குறைந்தும் வருகிறது. இந்நிலையில், சென்னையில் ஆபரணத் தங்கத்தின் விலை நேற்று பவுனுக்கு ரூ.400 உயர்ந்து ரூ.73,840-க்கு விற்பனையானது. ஒரு கிராம் தங்கம் ரூ.50 உயர்ந்து ரூ.9,230-க்கு விற்கப்பட்டது. 24 காரட் சுத்த தங்கம் ரூ.80,552-க்கு விற்கப்பட்டது. இதேபோல, வெள்ளி கிராமுக்கு ரூ.1 உயர்ந்து ரூ.126-க்கும், கட்டி வெள்ளி கிலோவுக்கு ரூ.1,000 உயர்ந்து ரூ.1,26,000-க்கும் விற்கப்பட்டது.
