சென்னை: தங்கம் விலை பவுனுக்கு ரூ.1,760 அதிகரித்து ரூ.71,440-க்கு விற்பனையானது. இதனால், நகை வாங்குவோர் கவலை அடைந்துள்ளனர்.
சர்வதேசப் பொருளாதார நிலவரத்துக்கு ஏற்ப இந்தியாவில் தங்கம் விலை உயர்ந்தும், குறைந்தும் விற்பனையாகி வருகிறது. ரஷ்யா-உக்ரைன் இடையிலான போர் பதற்றம், அமெரிக்க அதிபர் டிரம்பின் பொருளாதார போர் உள்ளிட்ட காரணங்களால் சர்வதேச அளவில் தங்கம் விலை அதிகரித்தது. இதனால், கடந்த மாதம் 22-ம் தேதி ஒரு பவுன் ரூ.74,320 ஆக உயர்ந்து வரலாறு காணாத உச்சத்தை அடைந்தது.
