சென்னை: தங்கம் விலை இரண்டாவது நாளாக இன்று (நவ.19) மீண்டும் உயர்ந்துள்ளது. இரண்டு நாட்களில் பவுனுக்கு ரூ.1040 உயர்ந்துள்ளது.
சென்னையில் இன்று 22 கேரட் ஆபரணத் தங்கத்தின் விலை கிராமுக்கு ரூ.70 உயர்ந்து ஒரு கிராம் ரூ.7,065-க்கும், பவுனுக்கு ரூ.560 உயர்ந்து ஒரு பவுன் ரூ.56,520 உயர்ந்துள்ளது. வெள்ளியின் விலையும் கிராமுக்கு ரூ.2 உயர்ந்து ஒரு கிராம் ரூ.101-க்கு விற்பனையாகிறது. இரண்டு நாட்களில் பவுனுக்கு ரூ.1040 உயர்ந்துள்ளதால் தங்கம் விலை மீண்டும் ஏறுமுகத்திலேயே பயணிக்குமோ என்ற அச்சம் வாடிக்கையாளர்கள் மத்தியில், குறிப்பாக நடுத்தர மக்கள் மத்தியில் ஏற்படுத்தியுள்ளது.
