தங்கம் விலை ஒரே நாளில் பவுனுக்கு ரூ.720 குறைந்து ரூ.66,480-க்கு விற்பனையானது. கடந்த 2 நாட்களில் தங்கம் விலை பவுனுக்கு ரூ.2 ஆயிரம் குறைந்துள்ளது குறிப்பிடத்தக்கது.
சர்வதேசப் பொருளாதார நிலவரத்துக்கு ஏற்ப இந்தியாவில் தங்கம் விலை உயர்ந்தும், குறைந்தும் வருகிறது. தங்கம் விலை கடந்த மாதம் 16-ம் தேதி ஒரு பவுன் ரூ.63,120-க்கு விற்பனையானது. பின்னர், படிப்படியாக அதிகரித்து ரூ.64,440-க்கு விற்பனையானது. பிறகு, மேலும் அதிகரிக்கத் தொடங்கியது. கடந்த 3-ம் தேதியன்று ஒரு பவுன் ரூ.68,480க்கு அதிகரித்து புதிய உச்சத்தை அடைந்தது.
