சென்னை: தமிழகத்தில் திடக்கழிவு மேலாண்மைக்காக உருவாக்கப்பட்டுள்ள தூய்மை இயக்கத்துக்காக, முதல்வர், துணை முதல்வர் மற்றும் அதிகாரிகளைக் கொண்ட நிர்வாகக்குழு உள்ளிட்ட குழுக்கள் அமைக்க அரசாணை வெளியிடப்பட்டுள்ளது.
இதுகுறித்து சிறப்பு திட்ட செயலாக்கத்துறை செயலர் பிரதீப் யாதவ் வெளியிட்ட அரசாணையில் கூறியிருப்பதாவது: தமிழகத்தில் நகரமயமாக்கல் அதிவேகமாக இருப்பதால், திடக்கழிவு மேலாண்மை என்பது சவாலாக மாறியுள்ளது. இதன் காரணமாக, சுற்றுச்சூழல் மாசுபடுவதுடன், சுகாதாரக் கேடும் ஏற்பட்டு வருகிறது. மாநில அளவில் திடக்கழிவு மேலாண்மை கொள்கை கடந்த 2018-ம் ஆண்டு வெளியானது.
