புதுடெல்லி: தமிழகத்தைப் பொறுத்தவரை, மொத்தமுள்ள 12,525 கிராமப் பஞ்சாயத்துகளில் 12,501 (99.8%) கிராமப் பஞ்சாயத்துகள் மின் ஆளுமை வசதியைப் பெற்று, திட்டங்களை நடைமுறைப்படுத்தி வருவதாக, திமுக எம்.பி. கனிமொழி என்.வி.என்.சோமு எழுப்பிய கேள்விக்கு, மத்திய பஞ்சாயத்து ராஜ் துறை இணையமைச்சர் எஸ்.பி. சிங் பாகல் பதிலளித்துள்ளார்.
நாடாளுமன்ற குளிர்காலக் கூட்டத்தொடர் நடைபெற்று வருகிறது. மாநிலங்களவையில் திமுக எம்.பி., கனிமொழி என்.வி.என். சோமு கிராமப் பஞ்சாயத்துக்களில் அமல்படுத்தப்படும் மின் ஆளுமைத் திட்டத்தின் கீழ் தகவல் தொழில்நுட்ப உதவியோடு பலனடைந்த கிராமப் பஞ்சாயத்துக்கள் எத்தனை? அதற்கு ஒதுக்கப்பட்ட நிதி எவ்வளவு? என்று கேள்வி எழுப்பியிருந்தார்.
