இளம் தலைமுறையினர் தாய்மொழியை விட்டு விலகிச் செல்வது வேதனை அளிக்கிறது என்று தமிழ் வளர்ச்சி மற்றும் செய்தித் துறை அமைச்சர் மு.பெ.சாமிநாதன் கூறினார்.
அனைத்திந்திய தமிழ்ச் சங்கப் பேரவை மற்றும் தஞ்சை தமிழ்ப் பல்கலைக்கழகம் சார்பில் தமிழ்க்கூடல்-2024 என்ற மாநாடு பல்கலை. வளாகத்தில் நேற்று தொடங்கியது. பேரவைத் தலைவர் செ.துரைசாமி வரவேற்றார். துணைவேந்தர் (பொறுப்பு) க.சங்கர் தலைமை வகித்தார். மாநாட்டின் நோக்கம் குறித்து பேரவைப் பொதுச் செயலாளர் மு.முத்துராமன் பேசினார்.
