சென்னை: அன்றாடம் காலை 10 மணிக்கு அதிரடி தலைப்புச் செய்தியாக இருக்கிறது தங்கம், வெள்ளி விலை நிலவரம். முன்பெல்லாம் தங்கம் விலையோடு எப்போதாவது சேர்ந்துவரும் ‘வரலாறு காணாத புதிய உச்சம்’ என்ற வர்ணனை இப்போது சர்வசாதாரணமாகிவிட்டது. இதனால், தங்கம் பலருக்கும் எட்டாக்கனியாகி வருகிறது.
தங்கத்தை அதிகமாக நுகரும் / கையிருப்பில் வைத்திருக்கும் நாடுகளில் சீனா, அமெரிக்கா, ஜெர்மனி, இத்தாலியை தொடர்ந்து இந்தியா 5-வது இடத்தில் இருக்கிறது. ஏழை, நடுத்தர மக்களின் அவசரத் தேவைக்கு ஆபத்பாந்தவன் என்பதால் அவரவர் வாங்கும் சக்திக்கு ஏற்ப தங்கம் வாங்கிக் கொள்வது இந்தியர்களின் சேமிப்புப் பழக்கத்தில் முதன்மையாக உள்ளது.
