திரிபுராவில் புலம் பெயர்ந்து வசிக்கும் புரு பழங்குடியின மக்களை சந்தித்த மத்திய அமைச்சர் அமித் ஷா, அரசின் நலத்திட்டங்கள் கிடைக்கிறதா என கேட்டறிந்தார்.
மத்திய உள் துறை மற்றும் கூட்டுறவுத் துறை அமைச்சர் அமித் ஷா திரிபுரா கடந்த 21-ம் தேதி சென்றிருந்தார். தலைநகர் அகர்தலாவில் நடைபெற்ற வடகிழக்கு கவுன்சிலின் 72-வது கருத்தரங்கில் பங்கேற்றார். இதையடுத்து, 22-ம் தேதி தலாய் மாவட்டத்தில் புருஹ பாரா கிராமத்துக்கு சென்ற அவர், அங்கு வசிக்கும் புரு பழங்குடியின மக்களை சந்தித்துப் பேசினார். குறிப்பாக, 2020-ல் மேற்கொள்ளப்பட்ட ஒப்பந்தப்படி மறுகுடியமர்வு திட்டம் சரியாக செயல்படுத்தப்படுகிறதா என ஆய்வு செய்தார்.
