ஈரோடு: ஈரோடு கிழக்கு தொகுதியில் தீர்க்க வேண்டிய முக்கிய பிரச்சினைகள் குறித்த, மறைந்த திருமகன் ஈவெராவின் 10 கோரிக்கைகளில் ஒன்றை மட்டும் நிறைவேறியுள்ள நிலையில், மீதமுள்ள 9 கோரிக்கைகளை முதல்வர் ஸ்டாலின் நிறைவேற்றுவாரா? என்ற எதிர்பார்ப்பு எழுந்துள்ளது.
கடந்த 2021-ம் ஆண்டு நடந்த சட்டசபை பொதுத்தேர்தலில், ஈரோடு கிழக்கு தொகுதியில் திமுக கூட்டணியின் சார்பில், காங்கிரஸ் வேட்பாளர் திருமகன் ஈவெரா போட்டியிட்டு வெற்றி பெற்றார். அதன்பின், அவர் உடல்நலக்குறைவால், 2023-ம் ஆண்டு ஜனவரி மாதம் காலமான நிலையில், அவரது தந்தை ஈவிகேஎஸ் இளங்கோவன் இடைத்தேர்தலில் போட்டியிட்டு வெற்றி பெற்றார்.
