புதுக்கோட்டை: திருமயம் அருகே சமூக ஆர்வலர் லாரி ஏற்றி கொலை செய்யப்பட்ட சம்பவத்தில் சிபிசிஐடி போலீஸார் நேற்று விசாரணையை தொடங்கினர். இதற்கிடையில், வழக்கில் மெத்தனம் காட்டியதாக திருமயம் காவல் ஆய்வாளர் பணியிடை நீக்கம் செய்யப்பட்டார்.
புதுக்கோட்டை மாவட்டம் திருமயம் அருகேயுள்ள துளையானூர் சட்ட விரோத கல் குவாரி குறித்து புகார் அளித்த சமூக ஆர்வலர் ஜகபர் அலி, லாரி ஏற்றி கொல்லப்பட்டார். இது தொடர்பாக கல் குவாரி உரிமையாளர்கள் ராசு, ராமையா உள்ளிட்ட 5 பேர் கைது செய்யப்பட்டனர். இந்த வழக்கை விசாரணையை அண்மையில் சிபிசிஐடிக்கு மாற்றி அரசு உத்தரவிட்டது. விசாரணை அலுவலராக சிபிசிஐடி ஆய்வாளர் புவனேஸ்வரி நியமிக்கப்பட்டார்.
