சென்னை: திரைப்பட இயக்குநர் பாரதிராஜாவின் மகனும், நடிகருமான மனோஜ் (48) மாரடைப்பால் காலமானார். அண்மையில் நடிகர் மனோஜ்-க்கு இதய அறுவை சிகிச்சை நடைபெற்றதாக கூறப்படுகிறது. இதய அறுவை சிகிச்சை முடிந்து வீடு திரும்பிய நிலையில் நடிகர் மனோஜ் காலமானார். பாரதிராஜாவின் இயக்கத்தில் ‘தாஜ்மகால்’ என்ற படத்தில் நடிகராக அறிமுகமானார் மனோஜ். சமுத்திரம், விருமன், மாநாடு உள்ளிட்ட பல படங்களிலும் மனோஜ் நடித்து இருந்தார்.
அண்மையில் இயக்குநர் சுசீந்திரன் தயாரிப்பில் மார்கழி திங்கள் என்ற படத்தை மனோஜ் இயக்கியிருந்தார். இயக்குநர் பாரதிராஜாவின் மகனும் நடிகருமான மனோஜ் மறைவுக்கு திரையுலகினர் இரங்கல் தெரிவித்து வருகின்றனர்.
The post திரைப்பட இயக்குநர் பாரதிராஜாவின் மகனும், நடிகருமான மனோஜ் காலமானார் appeared first on Dinakaran.
