கடலூர்: தென்பண்ணை ஆற்றில் ஏற்பட்ட வெள்ளப்பெருக்கால் பாதிக்கப்பட்ட 15,712 பேர் மீட்கப்பட்டு, 35 நிவாரண மையங்களில் பாதுகாப்பாக தங்க வைக்கப்பட்டுள்ளனர் என்று துணை முதல்வர் உதயநிதி ஸ்டாலின் கூறினார்.
கடலூர் மாவட்டத்தில் புயல் காரணமாக ஏற்பட்ட மழை வெள்ளத்தால் பாதிக்கப்பட்ட பகுதிகளையும், தென்பெண்ணை ஆற்றில் ஏற்பட்ட வெள்ளப்பெருக்கால் ஏற்பட்ட பாதிப்புகளையும் துணை முதல்வர் உதயநிதி ஸ்டாலின், அமைச்சர்கள் எம்.ஆர்.கே.பன்னீர்செல்வம், செந்தில்பாலாஜி, சி.வெ.கணேசன் ஆகியோருடன் நேற்று பார்வையிடார். தொடர்ந்து, மேல்பட்டாம்பாக்கம் பாதுகாப்பு மையத்தில் தங்கவைக்கப்பட்டுள்ள 1,200 பேருக்கு உணவு, ஆடைகள் உள்ளிட்ட நிவாரணப் பொருட்களை வழங்கினார்.
