“தொடர் தோல்விகளை சந்திப்பவர்கள் தங்கள் இருப்பை காட்ட அவதூறு பரப்புகிறார்கள்” – அமைச்சர் செந்தில் பாலாஜி 

கோவை: கோவையில் புதன்கிழமை (டிச.11) மாலை நடந்த தனியார் நிகழ்ச்சியில் மின்துறை அமைச்சர் செந்தில்பாலாஜி கலந்து கொண்டார்.

அதன் பின்னர் அவர் செய்தியாளர்களிடம் கூறியதாவது: கோவை மாநகராட்சியில் சாலை பணிகளுக்காக ரூ.200 கோடி ரூபாய் ஒதுக்கப்பட்டு அதற்கான பணிகள் தொடங்கப்பட்டுள்ளன. கூடுதலாக காந்திபுரம் பேருந்து நிலையத்தை புதுப்பிக்க ரூ.30 கோடி ரூபாய் நிதி ஒதுக்கி உத்தரவு பிறப்பிக்கப்பட்டுள்ளது.சத்தி சாலை அகலப்படுத்துவதற்காக ரூ.54 கோடி ரூபாய் ஒதுக்கி முதல்வர் உத்தரவிட்டுள்ளார். கூடுதல் நிதி தேவைப்பட்டாலும் அதனை தருவதற்கு முதல்வர் தயாராக இருக்கிறார். இவ்வாறு அவர் கூறினார்.