புதுச்சேரி: தொழில்நுட்ப பல்கலைக்கழகத்தில் வடமாநில மாணவியிடம் அத்துமீறல் சம்பவம் தொடர்பாக கல்வி மற்றும் உள்துறை அமைச்சர் நமச்சிவாயத்திடம் துணைவேந்தர் இன்று விளக்கம் தந்ததார். பல்கலைக்கழக பாதுகாப்பை அதிகரிக்க போலீஸாருக்கு அமைச்சர் உத்தரவிட்டார்.
புதுவை காலாப்பட்டில் தொழில்நுட்ப பல்கலைக்கழகம் உள்ளது. கடந்த 12-ம் தேதி பல்கலைக்கழக வளாகத்தில் வடமாநில மாணவியிடம் உள்ளூரை சேர்ந்த சில இளைஞர்கள் அத்துமீறிய சம்பவம் நடந்தது. மாணவி தன்னுடன் படித்த மாணவருடன் அமர்ந்து பேசிக்கொண்டிருந்தார். அங்கு வந்த உள்ளூர் இளைஞர்கள் அவர்களை படம் எடுத்துள்ளனர். இதை தட்டிக்கேட்ட மாணவிக்கும், அவர்களுக்கும் வாக்குவாதம் ஏற்பட்டது.
