கிறைஸ்ட் சர்ச் டெஸ்ட் போட்டியின் 3ம் நாளான இன்று இங்கிலாந்து தன் முதல் இன்னிங்சில் 499 ரன்கள் குவித்தது. அந்த அணியின் ஹாரி புரூக் 197 பந்துகளில் 171 ரன்களை அதிரடியாக விளாச இங்கிலாந்து 151 ரன்கள் முன்னிலை பெற்றது.
நியூஸிலாந்தின் ஆச்சரியத்தகுந்த சாதனை என்னவெனில், மொத்தம் 8 கேட்ச்களை இந்த இன்னிங்ஸில் கோட்டை விட்டனர். அதில் ஹாரி புரூக்கிற்கு மட்டும் 5 கேட்ச்களை விட்டு ஒரே வீரருக்கு அதிகக் கேட்ச்களை விட்டதில் விந்தையான புதிய சாதனையை நிகழ்த்தியுள்ளது.
