புதுடெல்லி: நைஜீரியா, பிரேசில், கயானா நாடுகளுக்கு 5 நாட்கள் பயணமாக பிரதமர் நரேந்திர மோடி டெல்லியில் இருந்து நேற்று புறப்பட்டார்.
முதல்கட்டமாக அவர் நைஜீரியாவில் சுற்றுப் பயணம் மேற்கொள்கிறார். அந்த நாட்டு தலைநகர் அபுஜாவில் நேற்று இரவு பிரதமர் மோடி தரையிறங்கினார். நைஜீரியா அதிபர் அகமது டினுபுவை அவர் இன்று சந்திக்கிறார். எரிசக்தி, சுரங்கம், மருந்து உற்பத்தி, தகவல் தொழில்நுட்பம் தொடர்பாக அவர்கள் முக்கிய பேச்சுவார்த்தை நடத்த உள்ளனர்.
