திருவள்ளூர்: திருவள்ளூர் கலெக்டர் த.பிரபுசங்கர் விடுத்துள்ள அறிக்கையில் கூறியிருப்பதாவது: திருவள்ளூர் மாவட்டத்திலுள்ள அரசு, அரசு உதவிபெறும், தனியார் மேல்நிலைப் பள்ளிகளில் 11 மற்றும் 12ம் வகுப்பு பயிலும் மாணவர்கள், கல்லூரி மாணவர்களுக்குத் தமிழில் படைப்பாற்றலையும், பேச்சாற்றலையும் வளர்க்கும் நோக்கில் கவிதை, கட்டுரை, பேச்சுப்போட்டிகள் நடைபெறவுள்ளன. கவிதை, கட்டுரை, பேச்சுப் போட்டிகளுக்கு 3 பிரிவுகளில் தனித்தனியே முதல் பரிசு ரூ.10 ஆயிரம், 2ம் பரிசு ரூ.7 ஆயிரம், 3ம் பரிசு ரூ.5 ஆயிரம் என வழங்கப்படவுள்ளது.
கல்லூரி மாணவர்களுக்கான கவிதை, கட்டுரை, பேச்சுப் போட்டிகள் நாளை காலை 9 மணியளவில் திருநின்றவூர் ஜெயா கலை மற்றும் அறிவியல் கல்லூரியில் நடைபெறவுள்ளன. கல்லூரி மாணவர்களுக்கான கவிதை, கட்டுரை, பேச்சுப் போட்டிகளில் ஒவ்வொரு கல்லூரியிலும் ஒரு போட்டிக்கு 2 பேர் வீதம் 3 போட்டிகளுக்கு 6 பேர் என அந்தந்த கல்லூரி முதல்வரே தேர்வு செய்து அனுப்பவேண்டும்.
11 மற்றும் 12ம் வகுப்பு பயிலும் மாணவர்களுக்கு 24ம் தேதி காலை 9 மணியளவில் திருவள்ளூரில் உள்ள டிஆர்பிசிசிசி இந்து மேல்நிலைப் பள்ளியில் கவிதை, கட்டுரை, பேச்சுப் போட்டிகள் நடைபெறவுள்ளன. ஒரு பள்ளியிலிருந்து ஒரு போட்டிக்கு ஒரு மாணவர் வீதம் 3 மாணவர்களை மட்டுமே பள்ளிகளின் தலைமை ஆசிரியர்கள் தேர்வுசெய்து அனுப்ப வேண்டும். தமிழ் ஆர்வமுள்ள மாணவர்கள் இந்த போட்டிகளில் கலந்துகொண்டு பயனடையலாம். இவ்வாறு கூறியுள்ளார்.
The post பள்ளி, கல்லூரி மாணவர்களுக்கு கவிதை, கட்டுரை போட்டிகள்: கலெக்டர் தகவல் appeared first on Dinakaran.
