ஆளுங்கட்சி, எதிர்க்கட்சி என்ற பாகுபாடு காட்டாமல் விதிமுறைகளை சமமாக அமல்படுத்த வேண்டும் என்று போலீஸாருக்கு உயர் நீதிமன்றம் அறிவுறுத்தியுள்ளது.
‘அண்ணா பல்கலைக்கழகத்தில் நடந்த பாலியல் வன்கொடுமை சம்பவத்தை கண்டித்து போராட்டம் நடத்த பாமக மகளிர் அணிக்கு அனுமதி மறுத்த போலீஸார், ஆளுநருக்கு எதிராக திமுகவினர் போராட்டம் நடத்த, விதிகளை மீறி அனுமதி அளித்துள்ளனர்’ என்று கூறி பாமக கொள்கை பரப்பு செயலாளர் சேகர், சென்னை உயர் நீதிமன்றத்தில் வழக்கு தொடர்ந்தார். நீதிபதி பி.வேல்முருகன் முன்பு இந்த வழக்கு நேற்று மீண்டும் விசாரணைக்கு வந்தது.
