பிரபல பாடகர்களும் இசை அமைப்பாளர்களும் நேரடி இசை நிகழ்ச்சி நடத்துவதில் கவனம் செலுத்தி வருகின்றனர். இந்நிலையில், சுமார் 20 ஆயிரத்துக்கும் மேற்பட்ட பாடல்களைப் பாடியுள்ள பிரபல பின்னணி பாடகி சித்ராவைக் கொண்டாடும் வகையில் இசை நிகழ்ச்சி நடைபெறுகிறது.
‘கே.எஸ். சித்ரா லைவ் இன் கான்செர்ட்’ என பெயரிடப்பட்டுள்ள இந்த நிகழ்ச்சி சென்னை நந்தனம் ஒய்எம்சிஏ மைதானத்தில் பிப்.8-ம் தேதி மாலை நடைபெறுகிறது. இதை இ- லவுன்ஜ் மற்றும் நாய்ஸ் அண்ட் கிரைன்ஸ் இணைந்து வழங்குகிறது. இதற்கான நுழைவுச் சீட்டுகள், இன்ஸைடர்.இன் மற்றும் புக் மை ஷோ இணையதளங்கள் மற்றும் செயலிகளில் கிடைக்கும்.
