புதுடெல்லி: கடந்த 2019-ல் பாட்டாளி மக்கள் கட்சியைச் சேர்ந்த ராமலிங்கம் என்பவர் படுகொலை செய்யப்பட்ட வழக்கில் தடைசெய்யப்பட்ட அமைப்பான பாப்புலர் ஃப்ரன்ட் ஆஃப் இந்தியாவுடன் தொடர்புடைய இரண்டு தலைமறைவு குற்றவாளிகளை தேசிய புலனாய்வு முகமை சனிக்கிழமை கைது செய்துள்ளது.
கைது செய்யப்பட்ட இருவரும் அப்துல் மஜீத் மற்றும் ஷாகுல் ஹமீது என்று அடையாளம் காணப்பட்டுள்ளது. அவர்கள் தமிழகத்தின் தஞ்சாவூரைச் சேர்ந்தவர்கள் என்றும், இருவரும் கொலையில் ஈடுபட்டதாகவும், பாப்புலர் ஃப்ரன்ட் ஆஃப் இந்தியா அமைப்பில் உறுப்பினர்களாக உள்ளனர் என்றும் என்ஐஏவின் விசாரணையில் தெரியவந்துள்ளது.
