புதுடெல்லி: பிரயாக்ராஜ் மகா கும்பமேளாவுக்கு அனைத்து மாநில முதல்வர்களும், ஆளுநர்களும் அழைக்கப்பட உள்ளனர். தமிழ்நாட்டின் முதல்வர் ஸ்டாலினை அழைக்க உ.பி. துணை முதல்வர் கேசவ் பிரசாத் மவுரியா வர உள்ளார்.
உ.பி.யின் பிரயாக்ராஜில் அடுத்த வருடம் மகா கும்பமேளா நடைபெறுகிறது. இதற்கான பிரம்மாண்ட ஏற்பாடுகளை முதல்வர் யோகி ஆதித்யநாத் தலைமையிலான பாஜக அரசு செய்து வருகிறது. சுமார் 48 கோடி பக்தர்கள் கும்பமேளாவுக்கு வருவார்கள் என எதிர்பார்க்கப்படுகிறது. இதற்கான தொடக்க விழா 2025, ஜனவரி 13-ல் நடைபெற உள்ளது. விழாவுக்கு நாட்டின் அனைத்து மாநில முதல்வர்கள் மற்றும் ஆளுநர்களுக்கும் அழைப்பு விடுக்கப்பட உள்ளது.
