பிரயாக்ராஜ்: பிரயாக்ராஜ் மகா கும்பமேளாவில் பத்திரிகையாளர்களை விட அதிக எண்ணிக்கையில் யூடியூபர்கள் கேமராக்களுடன் வலம் வருகின்றனர். பெரும்பாலும் உள்ளூரை சேர்ந்த இவர்களுக்கு எந்த கட்டுப்பாடும் இல்லை. இவர்களும் பல்வேறு பாபாக்களை பேட்டி எடுத்து தங்கள் சந்தாதாரர்களை கூட்ட யூடியூப் சேனல்களில் வைரலாக்குகின்றனர்.
இந்நிலையில் இந்த யூடியூபர்களில் 4 பேர் நேற்று முன்தினம், இடுக்கி பாபாவின் தாக்குதலுக்கு ஆளாகினர். ஜுனா அகாடாவை சேர்ந்த இந்த துறவி, பக்தர்களுக்கு ஆசீர்வாதம் செய்ய தான் வைத்திருக்கும் இடுக்கியை பயன்படுத்துவார். இதனால் இவருக்கு இடுக்கி பாபா என்ற பெயர் ஏற்பட்டது. இவர் தனது இடது கையை எந்நேரமும் மேலே உயர்த்தியபடி இருப்பார். வலது கையை மட்டும் 24 மணி நேரமும் பயன்படுத்துவதால் அவரது காட்சிப் பதிவுகள் சமூக ஊடகங்களில் வைரலாகின.
