ஆந்திர மாநிலத்தில் நேற்று முதல் வாட்ஸ்அப் அரசாட்சி தொடங்கப்பட்டுள்ளது. இதன்மூலம், பொது மக்கள் பிறப்பு, இறப்பு உட்பட அனைத்து அரசு சான்றிதழ்களையும் வாட்ஸ் ஆப் வாயிலாகவே விண்ணப்பித்து பெற முடியும். இந்த சேவையை அமைச்சர் லோகேஷ் நேற்று தொடங்கி வைத்தார்.
தகவல் தொழில்நுட்பத்தை உடனுக்குடன் பயன்படுத்தி வருபவர் சந்திரபாபு. தற்போது செல்போன் பயன்பாடு எங்கும் பரவியுள்ளது. அதிலும் வாட்ஸ்அப் செயலியை உபயோகப்படுத்தாதவர்களே இல்லை என்ற நிலை உள்ளது. இதனை கருத்தில் கொண்டுதான் வாட்ஸ்அப் ஆட்சியை சந்திரபாபு நாயுடு தற்போது கொண்டு வந்துள்ளார். இந்த சேவை நேற்று முதல் ஆந்திராவில் அமல் படுத்தப்பட்டுள்ளது.
