பெர்த் டெஸ்ட் படுதோல்விக்குப் பின் ஆஸ்திரேலிய ஓய்வறையில் வீரர்கள் முன் நிற்கும் பெரும் கேள்வி ‘பும்ரா’ என்னும் புதிரை கட்டவிழ்ப்பது எப்படி என்பதாகவே உள்ளது.
பெர்த் டெஸ்ட் போட்டியில் அவர் 8 விக்கெட்டுகளைக் கைப்பற்றினார். ஆஸ்திரேலிய டாப் ஆர்டரை நிலைகுலையச் செய்ததோடு அவர்களின் தன்னம்பிக்கையையே ஆட்டம் காணச் செய்துள்ளார். வலது கை பேட்டர்களுக்கு பந்தை காற்றில் உள்ளே வருமாறு செலுத்தி பிட்ச் ஆனதும் வெளியே ஸ்விங் செய்து வீழ்த்திய பும்ரா, இடது கை பேட்டர்களுக்கு ரவுண்ட் த விக்கெட்டில் இதையே செய்தார். வைட் ஆங்கிளிலிருந்து பந்தை உள்ளே வருமாறு காற்றில் செலுத்தி பிறகு சற்றே வெளியே எடுத்தார். இப்படியாக அவர் உஸ்மான் கவாஜா, டிராவிஸ் ஹெட் ஆகியோரைக் காலி செய்தார்.
