பிஹாரில் நடைபெற்ற பேரவை இடைத்தேர்தலில் 4 தொகுதிகளிலும் பாஜக கூட்டணி வெற்றி பெற்றது.
பிஹார் மாநிலத்தில் டராரி, ராம்கர், இமாம்கஞ்ச் மற்றும் பெலாகஞ்ச் ஆகிய 4 சட்டப்பேரவைத் தொகுதிகளுக்கு இடைத் தேர்தல் நடைபெற்றது. இதில் பதிவான வாக்குகள் நேற்று எண்ணப்பட்டன. இதில், டராரி தொகுதியில் பாஜக சார்பில் போட்டியிட்ட விஷால் பிரசாந்த் 78,755 வாக்குகள் பெற்று வெற்றி பெற்றார். சிபிஐ-எம்எல் வேட்பாளர் 68,143 வாக்குகளுடன் இரண்டாம் இடம் பிடித்தார்.
