புதுச்சேரி: புதுச்சேரி சாலை போக்குவரத்து கழகம் சார்பில் 6 ஆண்டுகளுக்குப் பின் பேருந்துக் கட்டணம் அதிரடியாக உயர்த்தப்பட்டுள்ளது. அதன்படி குறைந்தபட்சம் ரூ.2 முதல் அதிகபட்சமாக ரூ.8 வரை கட்டணம் என்பது அதிகரிக்கப்பட்டுள்ளது.புதுச்சேரியில் என்ஆர் காங்கிரஸ் மற்றும் பாஜகவின் கூட்டணி ஆட்சி நடக்கிறது. முதல்வராக என்ஆர் காங்கிரஸ் கட்சியின் தலைவர் ரங்கசாமி செயல்பட்டு வருகிறது. புதுச்சேரி யூனியன் பிரதேசமாக உள்ளது. புதுச்சேரி அரசு சார்பில் புதுச்சேரி சாலை போக்குவரத்து கழகம் செயல்பட்டு வருகிறது. இந்த போக்குவரத்து கழகம் சார்பில் புதுச்சேரி, காரைக்கால், மாகே, யானம் உள்ளிட்ட பகுதிகளிலும், தமிழகத்துக்கும் அரசு பஸ்கள் இயக்கப்பட்டு வருகிறது. இந்நிலையில் தான் 6 ஆண்டுகளுக்கு பிறகு புதுச்சேரி சாலை போக்குவரத்து கழகம் சார்பில் பஸ் கட்டணம் அதிரடியாக உயர்த்தப்பட்டுள்ளது.
புதுச்சேரி துணை நிலை ஆளுநர் கைலாஷ் நாதன் ஒப்புதலின்பேரில் இந்த அறிவிப்பு வெளியிடப்பட்டுள்ளது. அதன்படி குறைந்தபட்சம் 2 ரூபாய் முதல் அதிகபட்சமாக 8 ரூபாய் வரை கட்டணம் உயர்த்தப்பட்டுள்ளது. அதாவது ஏசி வசதி இல்லாத டவுன் பஸ்களில் குறைந்தபட்ச கட்டணம் ரூ.5ல் இருந்து ரூ.7 ஆக அதிகரிக்கப்பட்டுள்ளது. ஏசி டவுன் பஸ்களில் குறைந்தபட்ச பஸ் கட்டணம் ரூ.10ல் இருந்து ரூ.13 ஆக அதிகரிக்கப்பட்டுள்ளது. டீலக்ஸ் ஏசி பஸ்களில் குறைந்தபட்ச கட்டணம் ரூ.12ல் இருந்து ரூ.16 ஆகவும், அதிகபட்ச கட்டணம் ரூ.36ல் இருந்து ரூ.47 ஆகவும் உயர்த்தப்பட்டுள்ளது. இந்த கட்டண உயர்வின்மூலம் புதுச்சேரி – கடலூர் பஸ் கட்டணம் ரூ.20ல் இருந்து ரூ.25 ஆக உயர்த்தப்பட்டுள்ளது. இந்த கட்டண உயர்வால் புதுச்சேரி மக்களுக்கு கூடுதல் செலவு ஏற்பட உள்ளது.
The post புதுச்சேரியில் 6 ஆண்டுகளுக்குப் பின் பேருந்துக் கட்டணம் உயர்வு: குறைந்தபட்சம் ரூ.2 முதல் அதிகபட்சமாக ரூ.8 வரை கட்டணம் உயர்வு appeared first on Dinakaran.
