சென்னை: “ஆழ்ந்த காற்றழுத்த தாழ்வு மண்டலம், புயலாக வலுப்பெற 12 மணி நேரம் ஆகும். அது, வரும் 30-ம் தேதி புயல் வலுவிழந்து ஆழ்ந்த காற்றழுத்த தாழ்வு மண்டலமாக வட தமிழகம் – புதுச்சேரி அருகே கரையை கடக்க வாய்ப்புள்ளது” என இந்திய வானிலை ஆய்வு மையம் தகவல் தெரிவித்துள்ளது.
இது தொடர்பாக இந்திய வானிலை ஆய்வு மையம் புதன்கிழமை இரவு வெளியிட்டுள்ள அறிவிப்பில், ‘வங்கக் கடலில் உருவான ஆழ்ந்த காற்றழுத்த தாழ்வு மண்டலம் கடந்த 6 மணி நேரத்தில் வடக்கு – வடமேற்கு நோக்கி 3 கி.மீ வேகத்தில் நகர்கிறது. இந்த ஆழ்ந்த காற்றழுத்த தாழ்வு மண்டலம் புதுவையில் இருந்து 420 கி.மீ தொலைவிலும், நாகையில் இருந்து 320 கி.மீ தொலைவிலும், சென்னையில் இருந்து 500 கிலோ மீட்டர் தொலைவிலும் நிலைகொண்டுள்ளது.
