மதுராந்தகம்: செங்கல்பட்டு மாவட்டத்தில் சில நாட்களாக பனிப்பொழிவு அதிகளவில் காணப்படுகிறது. சாலையில் வாகனங்கள் தெரியாத அளவுக்கு பனிப்பொழிவு காணப்படுவதால் வாகன ஓட்டிகள் கடும் அவதிக்குள்ளாகி வருகின்றனர். இந்நிலையில் மதுராந்தகத்தில் ரயில்வே மேம்பாலத்தில் நேற்று நள்ளிரவு 12 மணியளவில் கடும் பனிமூட்டத்துக்கு இடையே வாகனங்கள் சென்று வந்தது. அப்போது, 2 பைக்குகள் நேருக்கு நேர் மோதி கொண்டன. பைக்குகளை ஓட்டி வந்த 2 பேர் படுகாயத்துடன் ரத்த வெள்ளத்தில் சம்பவ இடத்திலேயே உயிரிழந்தனர்.
தகவலறிந்து மதுராந்தகம் போலீசார் சம்பவ இடத்துக்கு விரைந்தனர். இருவரின் உடல்களையும் கைப்பற்றி பிரேத பரிசோதனைக்காக மதுராந்தகம் அரசு மருத்துவமனைக்கு அனுப்பி வைத்தனர். இதுகுறித்து போலீசார் வழக்கு பதிவு செய்து விசாரித்தனர். விபத்தில் இறந்தவர்கள் மதுராந்தகம் அடுத்த ஜமீன்எண்டத்தூரை சேர்ந்த வசந்த் (25), மதுராந்தகம் வன்னியர் தெருவை சேர்ந்த குமார் (23) என்பதும் தெரிய வந்தது. பனிப்பொழிவால் இந்த சம்பவம் நடந்ததா அல்லது வேறு ஏதேனும் காரணமா என போலீசார் விசாரித்து வருகின்றனர். இச்சம்பவத்தால் அப்பகுதியில் பரபரப்பு ஏற்பட்டுள்ளது.
The post பைக்குகள் நேருக்கு நேர் மோதல்; 2 வாலிபர்கள் பரிதாப சாவு: மதுராந்தகம் அருகே நள்ளிரவில் சோகம் appeared first on Dinakaran.
