பொக்ரான் அணுகுண்டு சோதனையில் முக்கிய பங்கு வகித்த ராஜகோபால சிதம்பரம் (88) மும்பை மருத்துவமனையில் நேற்று காலமானார். அவரது மறைவுக்கு பிரதமர் மோடி இரங்கல் தெரிவித்துள்ளார்.
கடந்த 1974 மற்றும் 1998-ம் ஆண்டுகளில் இந்தியா அணுகுண்டு சோதனை நடத்தியது. புகழ்பெற்ற விஞ்ஞானியான ராஜகோபால சிதம்பரம் இந்த அணுகுண்டு சோதனையில் முக்கிய பங்கு வகித்தார். அணுசக்தி துறையில் முக்கிய பொறுப்புகளை வகித்த சிதம்பரம், உடல்நலக்குறைவு காரணமாக மும்பையில் உள்ள ஜஸ்லோக் மருத்துவமனையில் அனுமதிக்கப்பட்டிருந்தார். இந்நிலையில் சிகிச்சை பலனின்றி அவர் நேற்று காலமானார்.
