திமுக இலக்கணப்படி, திருப்பூர் வடக்கு மாவட்ட திமுக செயலாளரும் எம்எல்ஏ-வுமான க.செல்வராஜும் மகன் திலகராஜை தனது அரசியல் வாரிசாக்கி மாணவரணி அமைப்பாளர் பதவியில் அமர்த்தியிருக்கிறார். இதுதான் திருப்பூர் திமுகவில் இப்போது ஹாட்டாபிக் திமுக பவர் சென்டருடன் எப்போதும் தொடர்பில் இருப்பவர் க.செல்வராஜ். மறைந்த பேராசிரியர் க.அன்பழகன் துவங்கி, திக தலைவர் கி.வீரமணி, ஆர்.எஸ்.பாரதி, அன்பகம் கலை என பலருடனும் நெருக்கம் பாராட்டி வரும் செல்வராஜ், அமைச்சர் நேருவிடம் செல்லப்பிள்ளை கணக்காய் இருப்பவர்.
அப்படிப்பட்டவர், தனது மகன் திலகராஜை இளைஞரணி பதவியில் நியமிக்க வைத்து அதன் மூலம் அவரை உதயநிதிக்கு நெருக்கமான வட்டத்துக்குள் திணிக்க திட்டமிட்டார். அது முடியாமல் போனதால் தொலைநோக்குத் திட்டத்துடன் மாணவரணி பொறுப்பில் உட்காரவைத்திருக்கிறார். இதுகுறித்து பேசும் திருப்பூர் திமுகவினர், “திருப்பூர் வடக்கு மாவட்ட திமுக செயலாளர் பதவியில் இருப்பதால் தனது மகன் திலகராஜை தனக்குக் கீழே இளைஞரணி பொறுப்பில் அமர்த்திவிட வேண்டும் என அறிவாலயத்தில் முட்டி மோதினார் செல்வராஜ்.
