மும்பை: மகாராஷ்டிராவின் அடுத்த முதல்வர் யார் என்பது குறித்து 3 கட்சிகளின் தலைவர்களும் அமர்ந்து பேசி முடிவெடுப்போம் என்று முதல்வரும் சிவ சேனா தலைவருமான ஏக்நாத் ஷிண்டே தெரிவித்துள்ளார்.
மகாராஷ்டிராவில் பாஜக, சிவ சேனா, தேசியவாத காங்கிரஸ் அடங்கிய மகாயுதி கூட்டணி மொத்தமுள்ள 288 தொகுதிகளில் 222 தொகுதிகளில் வெற்றி முகத்தில் இருக்கிறது. இதில், பாஜக 126 தொகுதிகளிலும், சிவ சேனா 55 தொகுதிகளிலும், தேசியவாத காங்கிரஸ் (அஜித் பவார் பிரிவு) 39 தொகுதிகளிலும் வெற்றியை நோக்கி முன்னேறி வருகின்றன. இதன்மூலம் அக்கூட்டணி மீண்டும் ஆட்சி அமைப்பதற்கான வாய்ப்பு உருவெடுத்துள்ளது. இந்நிலையில், மாநிலத்தின் அடுத்த முதல்வர் யார் என்ற கேள்வி எழுந்துள்ளது.
