கடந்த நவம்பர் 20-ம் தேதி மகாராஷ்டிர சட்டப்பேரவைத் தேர்தல் நடைபெற்றது. நவம்பர் 23-ம் தேதி தேர்தல் முடிவுகள் வெளியாகின. மொத்தமுள்ள 288 தொகுதிகளில் பாஜக கூட்டணி 230 தொகுதிகளைக் கைப்பற்றி அபார வெற்றி பெற்றது. ஆனால் புதிய அரசு பதவியேற்க நீண்ட காலதாமதம் ஏற்பட்டது. இதன் பின்னணி காரணங்கள் குறித்து அரசியல் நோக்கர்கள் கூறியதாவது:
பாஜக கூட்டணியில் பாஜக மட்டும் 132, ஷிண்டேவின் சிவசேனா 57, தேசியவாத காங்கிரஸ் 41 தொகுதிகளில் வெற்றி பெற்றன. ஷிண்டேவின் சிவசேனா கட்சி சார்பில் பாஜக மூத்த தலைவர்கள் 13 பேர் போட்டியிட்டு எம்எல்ஏவாக வெற்றி பெற்றுள்ளனர். பாஜக தலைமை கண் அசைத்தால், 13 பேரும் பாஜகவுக்கு பகிரங்கமாக ஆதரவு தெரிவிப்பார்கள்.
