மும்பை: மகாராஷ்டிர சட்டப்பேரவையின் 3 நாட்கள் சிறப்பு கூட்டத் தொடர் நேற்று தொடங்கியது. முதல் நாளில் புதிய எம்எல்ஏக்கள் பதவியேற்றனர். எதிர்க்கட்சி எம்எல்ஏக்கள் பதவியேற்காமல் வெளிநடப்பு செய்தனர்.
மகாராஷ்டிர சட்டப்பேரவைத் தேர்தல் கடந்த மாதம் 20-ம் தேதி நடைபெற்றது. இந்த தேர்தலில் ஆளும் பாஜக, ஷிண்டேவின் சிவசேனா, அஜித் பவாரின் தேசியவாத காங்கிரஸ் அடங்கிய மகாயுதி கூட்டணி அமோக வெற்றி பெற்றது. மொத்தமுள்ள 288 தொகுதிகளில் பாஜக கூட்டணி 230 தொகுதிகளை கைப்பற்றியது.
