புதுடெல்லி: பிரயாக்ராஜ் மகா கும்பமேளாவில் குழந்தைகளும் துறவிகளாக உள்ளனர். இந்நிலையில், அவர்களிடம் ஆசி பெற முகாம்களில் பக்தர்கள் கூட்டம் அலைமோதுகிறது.
உத்தரப் பிரதேசம் பிரயாக்ராஜில் மகாகும்பமேளா 45 நாட்களுக்காக நடைபெற்று வருகிறது. ஜனவரி 13-ம் தேதி துவங்கிய இந்த மகா கும்பமேளாவில் பாபாக்கள் எனும் பல்வேறு வகையான துறவிகள் முகாமிட்டுள்ளனர். மொத்தம் உள்ள 13 அகாடாக்களின் ஒன்றில் இந்த துறவிகள் இணைந்திருக்கிறார்கள். திரிவேணி சங்கமத்தின் கரையில் தம் அகாடாக்களுக்கு ஒதுக்கப்பட்ட இடத்தில் இவர்கள் முகாம் அமைத்துள்ளனர். இந்த முகாம்களில் தங்கியுள்ளவர்களில் குழந்தைத் துறவிகளும் உள்ளனர். இவர்களை தரிசித்து ஆசிபெற அவர்களது முகாம்களில் பொதுமக்கள் அலைமோதுகின்றனர்.
