புதுடெல்லி: உத்தரப்பிரதேசத்தின் பிரயாக்ராஜ் நகரில் மகா கும்பமேளாவுக்கான ஏற்பாடுகளை செய்து கொண்டிருந்தபோது, அந்த இடம் தங்களுக்கு சொந்தமானது என வக்பு வாரியம் உரிமை கோரியதாக முதல்வர் யோகி ஆதித்யநாத் தெரிவித்துள்ளார்.
ராமாயணத்தில் ராமரின் நண்பனான குகனின் பிறந்தநாளை முன்னிட்டு பிரயாக்ராஜ் நகரில் ராமர் மற்றும் குகன் தொடர்பான கண்காட்சியை முதல்வர் யோகி ஆதித்யநாத் தொடங்கிவைத்தார். மேலும், பல்வேறு வளர்ச்சித் திட்டங்களுக்கு அடிக்கல் நாட்டிய யோகி ஆதித்யநாத், முதல்வரின் மீனவர் திட்டத்தின் கீழ் 1,400 மீனவர்களுக்கு ரூ. 20 கோடி மதிப்பில் உதவிகளை வழங்கினார்.
