சேலம்: மக்கள் எதிர்பார்க்கும் கூட்டணியை அமைப்போம் என்று அதிமுக பொதுச் செயலாளர் பழனிசாமி கூறினார்.
இந்திய ஜனநாயக கட்சி, அமமுக, பாமக, திமுக உள்ளிட்ட பல்வேறு கட்சிகளைச் சேர்ந்த 1,000-க்கும் மேற்பட்டோர் அதிமுகவில் இணையும் நிகழ்ச்சி சேலம் மாவட்டம் ஆத்தூரில் நேற்று நடைபெற்றது. இதில் பழனிசாமி பேசியதாவது: திமுகவை ஒழிக்க வேண்டும் என்பதற்காக தொடங்கப்பட்ட கட்சி அதிமுக. இக்கட்சியில் இணைவோருக்கு எப்போதும் உரிய மரியாதை தரப்படும். அம்மா மினி கிளினிக் திட்டம், தாலிக்கு தங்கம் உள்ளிட்ட பல திட்டங்களை திமுகஅரசு ரத்து செய்துவிட்டது.
