புதுடெல்லி: மக்கள் பணத்தில் டெல்லியில் ரூ.45 கோடி செலவில் அரவிந்த் கேஜ்ரிவால் தனக்காக மாளிகை கட்டியுள்ளார் என்றும், அதற்கு அவர் பதில் சொல்ல வேண்டும் என்றும் மத்திய உள்துறை அமைச்சர் அமித் ஷா தெரிவித்துள்ளார்.
டெல்லியில் பெண்களுக்கான சுஷ்மா விடுதி திறப்பு விழாவில் பேசிய அமித் ஷா, "பாஜகவின் சிறந்த தலைவராக சுஷ்மா எப்போதும் நினைவுகூரப்படுவார். தேசிய ஜனநாயாகக் கூட்டணியின் முதல் மற்றும் இரண்டாம் அரசாங்கங்களில் முக்கிய துறைகளின் அமைச்சராக அவர் இருந்துள்ளார். நமது நாட்டின் ஜனநாயக வரலாறு சுஷ்மாவை, வெளியுறவு அமைச்சராகவோ, சுகாதாரத் துறை அமைச்சராகவோ நினைவில் கொள்ளாது. மாறாக, எதிர்கட்சியின் போராட்டத் தலைவராகவே நினைவு கொள்ளும்.
