புதுச்சேரி: “மதுரையில் பாஜக மகளிர் அணியினரை கைது செய்தது தொடர்பாக நாளை (ஜன.4) தமிழக ஆளுநரை சந்திக்க திட்டமிட்டுள்ளோம்,” என்று அகில இந்திய பாஜக மகளிர் அணி தலைவியும் எம்எல்ஏவுமான வானதி சீனிவாசன் கூறியுள்ளார்.
பாஜக நிர்வாக அமைப்பு தேர்தல் குறித்து ஆலோசனை நடத்த புதுச்சேரிக்கு வந்த அவர் கட்சி அலுவலகத்தில் செய்தியாளர்களிடம் கூறியதாவது: “தமிழகத்தில் ஒரு மாணவிக்கு கொடுமை நிகழ்ந்திருக்கிறது. அதற்குப் பின்னர் ஒருவர் கைது செய்யப்படுகிறார்.அவர் ஆளும் கட்சிக்கு மிக நெருக்கமாக இருக்கிறார். பொறுப்பில் இருக்கும் நபராகவும் உள்ளார். பல்வேறு குற்றச் சம்பவங்களில் ஈடுபட்ட நபராகவும் அவர் உள்ளார்.
